Македонската фудбалска репрезентација утрово го одработи и последниот тренинг во Скопје пред заминувањето за Копенхаген.

Фудбалерите ги очекува натпреварот против Данска во кој ќе играме за финале во мундијалскиот бараж. Пред медиумите денеска зборуваше и фудбалерот од средниот ред Решат Рамадани.

„Свесни сме за значењето на овој натпревар за нас. Ја знаеме вредноста што ја има овој дуел за Македонија и затоа ќе влеземе на теренот подготвени да го дадеме максимумот. Каков и да биде исходот, тоа е составен дел од спортот, а конечниот резултат ќе биде вистински одраз на прикажаното.

Мотивацијата кај фудбалерите е на максимум. Подготвени сме да го дадеме најдоброто од себе во секоја минута, со висока тактичка дисциплина, а резултатот ќе биде показател за нашиот труд и залагање“, истакна Рамадани.

Натпреварот против Данска го играме в четврток од 20:45 часот.

Николов: Притисокот е кај Данска, ние одиме по изненадување

Трајковски: Данска е фаворит на хартија, но сме покажале дека можеме да играме против секого

Мусовски откри зошто не заиграл за Македонија во 2020 година: Тоа беше недоразбирање

Во Копенхаген ќе има и натпревар помеѓу навивачите на Данска и Македонија