Македонскиот репрезентативец Стефан Ашковски кариерата ќе ја продолжи во Иран, каде што ќе настапува во вториот дел од сезоната. Искусниот лев бек официјално беше претставен како ново засилување на Мес Рафсанјан, во чии редови доаѓа по кратка епизода во српскиот фудбал.

Ашковски изминатата полусезона беше член на Раднички Ниш, за кој забележа девет настапи. Со своите 33 години, тој зад себе има богато меѓународно искуство, стекнато низ настапи во повеќе шампионати надвор од Македонија.

Во дресот на македонската А репрезентација, Ашковски досега има запишано 40 настапи, со што важи за еден од поискусните фудбалери во националниот тим.