Португалскиот тренер Нуно Еспирито Санто оствари ретко виден „подвиг“ во актуелната сезона во англиската Премиер-лига, го загуби истиот натпревар двапати во сезоната, но како тренер на различни тимови. На прв поглед е чудно, но за португалскиот стратег оваа ситуација е реалност.

На почетокот на сезоната Санто беше на клупата на Нотингем форест. Тогаш неговиот тим беше поразен од Вест хем со 3-0, што всушност беше и неговата последна средба на клупата на Форест, по што доби отказ. Половина година подоцна, двата тима се сретнаа повторно. Сега Нуно Еспирито Санто е тренер на Вест хем, но повторно загуби, сега Нотигем славеше победа од 2-1.

 

View this post on Instagram

 

A post shared by Men in Blazers (@meninblazers)

Интересно е што поради лошите резултати и претходно во Вест хем, Португалецот повторно по овој дуел би можел да добие отказ, сега во новиот клуб.

Овој навистина уникатен податок е забележан само еднаш претходно во елитниот фудбал, а тоа се случи на дербито на Јужниот брег со Хари Реднап. Тој во сезоната 2004/2005 прво го водеше Портсмут и загуби од Саутемптон со 2-1, а потоа како тренер на Саутемптон доживеа пораз од Портсмут со 4-1.