Магдоносот е неизбежен во најразличните рецепти на медитеранската кујна (салати, чорби, чаеви итн.), но истото може да се каже и за македонската кујна. Со додавање неколку состојки како индиски ореви и лук, од овој здрав зеленчук може да подготвите здраво и вкусно домашно макало или сос. Намазите полни со конзерванси заменете ги со лесно приготвено макало, кое оди одлично во комбинација со топол леб. Може да го примените и како уникатен сос со сите видови тестенини или печени компири.

Зеленото макало од магдонос, индиски ореви, лук и зачини може да се послужи и како прелив на главните јадења, а неговиот богат состав го прави особено здраво и хранливо во студените денови.

Состојки:

– 10 грама свеж магдонос

– 7 грама свежи листови од босилек

– 15 милилитри сок од лимон

– 60 грама индиски ореви

– 80 милилитри вода

– 2 големи чешниња лук

– 1/2 лажиче морска сол

– црн пипер и сол по вкус

– маслиново масло

Подготовка:

Потопете ги индиските ореви во многу топла вода 15-20 минути, а потоа исцедете ги.

Во мал блендер, додајте ги сите состојки и блендирајте околу 1-2 минути или додека не добиете кремаста смеса. Вкусете и приспособете го вкусот по потреба, додавајќи повеќе сол по вкус, сок од лимон за киселост или билки. Ако е премногу густо, додадете повеќе вода. Чувајте го во затворен сад во фрижидер до три-четири дена.