Рецепт за превкусни пролетни ролнички со зеленчук: Одлично одат со убав сос
Пролетните ролнички со зеленчук се одлична и здрава храна. Одличен деликатес што брзо и лесно се подготвува како главно јадење или вкусен прилог на разни специјалитети.
Можете да ги послужите за ужина, појадок или вечера, за некоја прослава или за обично дружење со пријателите…
Состојки:
– 1 пакување тенки кори
– 100 грама моркови
– 100 грама свежа зелка
– 100 грама целер
– 100 грама тиквички
– сол, бибер
– малку соја сос
– масло
– по желба семки од тиква, сончоглед, лен…
Подготовка:
1. Зеленчукот можете, по желба, да го исечете на стапчиња или да го изрендате.
2. Раширете ги корите и филувајте ги. Зачинете го зеленчукот со сол и бибер, додајте семки по избор, сè попрскајте со малку соја сос и завиткајте во ролнички (треба да бидат 5 x 1,5 см).
3. Пржете ги на масло додека не поруменат.
4. Послужете ги веднаш додека се топли со некој убав сос по избор.