Рецепт за потпечен модар патлиџан со моцарела: Совршено, а сепак толку едноставно
Со доаѓањето на топлото време, бараме едноставни и вкусни јадења составени од свеж зеленчук и овошје. Заедно со тиквичките, модрите патлиџани се издвојуваат како одличен избор за кулинарски експерименти. Модрите патлиџаните се исклучително флексибилна намирница, која може да се користи за подготовка на различни сосови и намази, да се додадат во супи и чорби и да се печат на скара.
Модрите патлиџани на скара одлично ќе се комбинираат со сирење и домати, со додавање на квалитетно маслиново масло и некои од омилените билки.
Состојки:
-2 поголеми модри патлиџани
-300 гр моцарела
-150 гр чери-домати
-1 лук
-маслиново масло
-сол и бибер по желба
-свежи листови босилок или други билки
Подготовка:
Загрејте ја грил-тавата или запалете ја скарата. Измијте ги модрите патлиџани и исечете ги по должина на парчиња со дебелина од околу 2,5 сантиметри. Премачкајте ги со маслиново масло и зачинете со сол и бибер. Печете ги модрите патлиџани на грил-тава или на скара, околу 4 до 5 минути од секоја страна. Префрлете ги во чинија.
На истата грил-тава или скара, испржете го лукот, кој претходно сте го исечкале на помали парчиња, и зачиниле со маслиново масло и сол и бибер.
Врз модрите патлиџани, додадете ја моцарелата, лукот и исечканите чери домати. Сето заедно прелијте го со уште малку маслиново масло.
Ставете сè заедно во рерна, загреана на 200 Целзиусови степени и печете додека моцарелата не се растопи и порумени.
Послужете како предјадење или прилог со свеж босилок или други свежи билки по желба.