Рецепт за посни топчиња од банана и овесни снегулки
Посните топчиња од банани и овесни снегулки се одлични за постење и за диета, бидејќи нема потреба да додавате шеќер во нив, со оглед на тоа што зрелите банани се доволно слатки. Исто така, за дополнителен сладок вкус и ароматичен шмек се додава и малку чисто темно чоколадо.
Препорачано
Состојки:
– 2 многу зрели банани, испасирани
– 130 грама овесни снегулки
– 40 грама искршено темно чоколадо
– 1/2 лажичка цимет
– 1/2 до 1 лажичка екстракт од ванила
– 1/4 шолја исечкан кокос
– 1/4 шолја сечкани ореви
– 1/4 шолја суво овошје
Подготовка:
За да ги подготвите посните топчиња од банана и овесна каша, загрејте ја рерната на 176 степени Целзиусови. Обложете го плехот со хартија за печење.
Во сад со средна големина, изгмечете ги бананите до прилично мазна конзистентност. Додајте ги овесните снегулки и добро измешајте. Додадете ги чоколадните парчиња, повторно измешајте.
Ако смесата е навистина влажна, додајте уште неколку лажици овесни снегулки.
Со лажица вадете малку од смесата, обликувајте топчиња и редете ги во плехот за печење.
Ставете го плехот со топчињата во рерна, на средната решетка и печете 15-20 минути. Извадете ги од рерната, оставете да се изладат неколку минути пред јадење. Уживајте во посните топчиња од банана и овесни снегулки!
