Рецепт за посни марципан – колачи со ореви
Во сезоната на славите, секој рецепт за ситни колачи е добредојден. Особено, кога станува збор за посните слави.
Препорачано
Марципан – колачи со ореви се прекрасни посни колачи со извонреден вкус. Вашите гости нема да ви веруваат дека не содржат ниту млеко, ниту јајца.
Состојки:
– 100 мл вода
– 350 г шеќер
– 160 г мелени ореви
– 160 г бисквити
– 150 г маргарин
– Екстракт од рум
Глазура:
250 гр шеќер во прав
4 лажици топла вода
Една лажица масло
Една лажица сок од лимон
Подготовка:
Во тенџере ставете ги водата и шеќерот и откако ќе проврие, ставете го маргаринот. Оревите и бисквитите измелете ги, измешајте ги и ставете ги во тенџерето. Додадете неколку капки екстракт од рум.
Добро измешајте ја смесата и нанесете ја во тава обложена со хартија за печење. Оставете да се излади два часа.
Во друг сад измешајте ги состојките за глазура. Смесата ставете ја врз колачот. Оставете еден ден да се спојат сите состојки и потоа исечете на парчиња и послужете.
По желба, наместо со шеќерна глазура, може да прелиете со стопено темно чоколадо.
