Рецепт за печен зеленчук со јајца и сирење: Повкусна комбинација не сте пробале!
Едноставните јадења што брзо се подготвуваат се одличен предлог за лесен ручек. Пазарите изобилуваат со разновиден зеленчук, па затоа наш предлог за денеска е да направите печен зеленчук прелиен со јајца и сирење. Вака подготвениот зеленчук не само што е вкусен и ќе го сака целото семејство, туку лесно и брзо се подготвува, а и заситува.
Препорачано
Состојки:
– 1-2 тиквички
– 1 кромид
– 1-2 моркови
– 150 г чери домати
– сол, бибер, мелена црвена пиперка
– 5 јајца
– 150 милилитри павлака за готвење
– 80 грама брашно
– 150 грама сирење
Подготовка:
Тиквичките исечкајте ги на кругови, па наредете ги во плех обложен со хартија за печење. Зачинете со сол, бибер и посипете со мелен црвен пипер. Печете на 180 степени, околу 10 минути.
Потоа во тава испржете ги крупно исечканите кромид и морков на кругчиња. Во огноотпорен сад наредете ги печените тиквички и испржениот кромид со моркови, наредете ги и чери доматите исечени на половина, па прелијте со јајца кои сте ги изматиле со павлаката за готвење и брашното.
Печете во рерна на 180 степени, околу 20 минути.
Пред крајот посипете со рендано сирење и печете додека не се растопи.
