Фритата, италијанска верзија на омлет, се прави со зеленчук и е идеален избор за хранливо богат утрински оброк.

За разлика од обичниот омлет, во фритатата се додава многу свеж зеленчук. Се подготвува брзо и лесно, а гарантира добар почеток на денот.

Состојки:

– 5 јајца
– 1 пиперка
– 1 морков
– 1 стебло праз
– 1 домат
– 200 грама спанаќ
– магдонос
– сол, бибер, масло

Подготовка:

При подготовка на фритата, најпрво на загреано масло се пржи кромидот. Зеленчукот се сече на мали коцки.

Во изматените јајца се додаваат сечканиот зеленчук, спанаќот, солта и биберот.

Во загреаната тава се сипува целата смеса. Тавата се покрива со капак и се пржи околу пет минути. Потоа фритатата се става во рерна загреана на 200 степени и се запекува.

Кога фритатата ќе биде готова, се сече на триаголници.