Рецепт за домашен кечап без адитиви и конзерванси, 100 отсто природен
Кечапот е еден од најпопуларните сосови и без него не можат да се замислат повеќето од денешните јадења. Овој додаток на јадењата можете да го користите со помфрит, плескавици, чорби, тестенини… а многумина го додаваат во одредени сосови за да го подобрат нивниот вкус.
Кечапот го сакаат сите генерации, затоа заменете го оној купен од продавница со поздрава домашна варијанта. Доматот, кој е главната состојка на кечапот, е извор на големо количество ликопен (растителен пигмент што на зеленчукот му ја дава црвената боја и е многу моќен антиоксидант), па затоа е и здрав.
Доколку не сте знаеле, домашниот кечап е посен, па можете да го консумирате во секое време.
Состојки:
– 2 конзерви сечкани домати – пелат
– 1/2 шолја вода
– 2/3 шолја шеќер
– 3/4 шолја оцет
– 1 лажичка кромид во прав
– 1/2 лажичка лук во прав
– 1/3 лажичка сенф во прав
– сол и црн пипер
– 1 цело каранфилче
Подготовка:
Сипете го пелатот во тенџерето, па водата сипете ја во конзервата, а потоа оттаму во тенџерето. Посолете, зачинете, па додајте шеќер, оцет, кромид и лук, како и сенф и каранфилче. Сè добро измешајте, па варете непокриено подолго време. Мешајте одвреме-навреме, а потоа изблендирајте ја добиената смеса. Смесата процедете ја низ сито (цедилка) и сипете ја во сад. Оставете да се излади и уживајте во вкусот на домашниот кечап.