Рецепт за брз колач од гриз и џем, готов за помалку од 20 минути
Ви го донесуваме најдобриот рецепт за брз колач со гриз и џем, готов за помалку од 20 минути.
Состојки:
– 3 јајца
– 1 шолја шеќер
– 1 шолја гриз
– 1 шолја џем
– 1 шолја брашно
– 1 шолја масло
– 1 шолја млеко
– 1 прашок за печиво
– 1 ванилин шеќер
Подготовка:
Изматете ги јајцата со шеќерот и ванилиниот шеќер, додајте ги другите состојки и сѐ измешајте (не е потребен миксер).
Тепсијата подмачкајте ја со масло и посипете ја со брашно, па сипете го изматеното тесто.
Големината на тепсијата може да биде помала или поголема, зависи од тоа колку сакате да биде висок колачот. Исто така и џемот може да биде по ваш избор, доколку користите кајсија, ќе имате посветол колач и поинаков вкус. Можете да го пробате и со домашен џем од јагоди.
Колачот печете го во рерна загреана на 200 степени околу 25 минути. Убаво е кога се јаде топол, иако мекоста ќе ја задржи и по два дена.