Реал Мадрид и во минатото пројавуваше сериозен интерес за англискиот репрезентативец, но казната од УЕФА за Манчестер сити, му даде крилја на „кралскиот“ клуб.

Според Трансфермаркт, Рахим Стерлинг е проценет на 160 милиони евра, а „Сан“ пишува дека во Реал Мадрид се убедени со исфрлањето од Лигата на шампионите во следните две години ќе го натера Манчестер сити да одлучи да го продаде еден од своите најдобри играчи за да ги намали трошоците.

„Сан“ исто така пишува дека Стерлинг има договор со Манчестер сити со кој заработува 360.000 евра неделно и дека кон крајот на минатата година започнаа преговори за зголемување на платата за 50 проценти.

Но, со евентуалната казна од УЕФА, Сити ќе остане без најмалку 170 милиони евра и можно е преговите да запрат.