Фудбалерите на Шкендија Арачиново славеа во деветтото коло од Втората македонска лига на гости во Прилеп против Победа со резултат 1:0.

По овој триумф играчите на Шкендија Арачиново остануваат лидери во шампионатот.

По завршувањето на мечот во Прилеп, настана инцидент во кој едно лице се обиде насилно да влезе во соблекувалната на ФК Шкендија Арачиново.

Веднаш се огласи ФК Шкендија Арачиново на социјалните мрежи:

– Сцените видени на стадионот во Прилеп не личат на фудбалот и спортскиот дух што треба да го претставува овој спорт. Она што се случи на трибините и околу теренот не се глетки што треба да се прикажуваат на фудбалски натпревар.

Расните навреди, провокациите и лошото однесување не му помагаат на спортот – напротив, го оштетуваат имиџот на фудбалот, клубот и самото натпреварување. Како клуб, силно ги осудуваме овие срамни постапки што го нарушуваат достоинството и безбедноста на нашите играчи и навивачи.

Бараме од Федерацијата да преземе соодветни мерки и да им додели заслужени казни на организаторите на овој натпревар, за да не се повторат вакви настани. Фудбалот е игра што обединува – а не да разделува – стои во реакцијата на ФК Шкендија Арачиново.