Фудбалерот на Арсенал, Месут Озил, денеска бил нападнат, а прашање е каков би бил крајниот исход ако не му помогнал соиграчот Сеад Колашинац.

Поранешниот германски репрезетативец бил мета на напад на двајца разбојници кои го нападнале со нож.

Озил во тој момент се возел низ Лондон, кога рабојници се обиделе да му го украдат неговиот автомобил Мерцедес G класа.

На видео снимката се гледа како Колашницац излегува од автомобилот и тргнува да се пресмета со вооружените напаѓачи. Германецот со турско потекло го оставил автомобилот среде улица и побегнал во оближниот турски ресторан каде персоналот го препознал.

Англиските медиуми пишуваат дека и келнерите и готвачите притрчале да му помогнат.

Полицијата информирала дека двајца маскирани напаѓачи на мотори се обиделе да го ограбат фудбалерот, но на крај немало повредени.

https://twitter.com/360Sources/status/1154474842344820736