Косовскиот премиер во оставка, Рамуш Харадинај, ќе биде испрашуван денеска од страна на Специјалниот суд. Топ Чанел дознава дека сослушувањето ќе се одржи во 09:30 часот во Хаг, исто така, ќе биде сослушуван и Јакуп Красниќи, поранешен шеф на косовското Собрание.

Според истиот медиум се очекува холандската полиција да го зголеми своето присуство околу Трибуналот, бидејќи може да бидат организирани протести од албанската заедница што живее во оваа земја.

Шукри Буја, друг поранешен водач на ОВК, беше интервјуиран вчера. Му беа прочитани прашањата од страна на обвинителите, но тој одби да одговори. Буја не беше прашан за посебни прашања, туку за улогата на синџирот на командата во војната.

Специјалниот суд е формиран за да го истражи извештајот на Дик Марти, каде се води истрага за злосторствата против Србите за време на војната на Косово. Иако овој суд постапува врз основа на косовските закони, неговото седиште се наоѓа во Хаг, пренесува Клан Косова.