Еурофарм Пелистер започна со подготовки за сезоната 2021/22, планот на подготовки е од 19-23 јули играчите бидат во Битола.

Потоа, од 23 до 30 јули се селат ракометарите на Жељко Бабиќ во Маврово, а од 1 до 11 јули следуваат и подготвителните натпревари.

На 11 август Е. Пелистер ќе ги одмери силите против Вардар 1961 во Суперкупот на Македонија, а на 21 август е четвртфиналето во СЕХА Газпром лигата против Мешков Брест од Белорусија.

Од клубот потврдија дека нови засилувања се Реиние Табаода (Данкерк), Јосип Божиќ-Павлетиќ (Гепинген), Филип Ивановски (Е. Пелистер 2), Мартон Секељи (Порто) и Немања Обрадовиќ (ППД Загреб).

Си заминаа Марин Вегар, Дарио Петровски, Градимир Чаневски, Карим Хендави, Благојче Трајковски и Невен Стјепановиќ.

Како што е веќе познато битолскиот клуб и во следната сезона има загарантирано место во групната фаза на Лига Европа.

Во текот на вчерашниот ден беше објавен официјалниот ростер за сезоната во сите натпреварувања –

Голмани: Марко Кизиќ, Мартон Секељи, Филип Ивановски.
Леви крила: Гоце Ојлески, Бојан Маџовски
Десни крила: Ненад Костески, Јосип Божиќ Павлетиќ
Леви бекови: Стипе Мандалиниќ, Немања Обрадовиќ, Дејан Кукуловски, Милорад Кукоски
Средни бекови: Јосип Периќ, Реиние Табоада, Марио Танкоски
Десни бекови: Матео Мараш, Мартин Велковски, Мирко Радовиќ
Пивоти: Никола Маркоски, Томислав Кушан, Елмир Граџан