Ракомет во Токио: Шпанците во финишот го скршија отпорот на Египет за бронзен медал
Ракометарите на Шпанија во натпреварот за третото место на Олимписките игри го совладаа Египет со 33:31 (19:16).
Првото полувреме помина во измрамнета игра на двете репрезентации, а „фуријата“ во финишот успеа да дојде до предност од три гола (19:16) со кои замина на одмор.
Во вториот дел, ракометарите на Египет кои ги предводи поранешниот тренер на Вардар, Роберто Парондо, заиграа поагресивно во одбраната и успеа да дојде до израмнување на 21:21 по што се играше гол за гол. Египет имаше три шанси да дојде до водство, но Гонзало Варгас во трите наврати успешно интервенираше. На три минути до крајот Душебаев и Ентрериос погодија за водство од 30:28 за Шпанија, Душебаев потоа носи водство од 31:29 како и 32:30. Во последните секунди Родригез Ентрериос ги постави конечните 33:31.
Абело Гомез беше најпрецизен кај Шпанија со осум гола, Робледо Гарсија даде шест, додека Душебаев пет гола. Кај Египет кој е најголемо изненадување на ракометниот турнир, Ахмед Алахмар даде осум гола, Мохамед Шебиб и Јахја Омар дадоа по шест гола.
Во големото финале кое се игра од 14 часот ќе се сретнат Данска и Франција.