Раднички Ниш е новиот клуб на македонскиот репрезентативец Ашковски
Во средата селектор на македонската фудбалска А репрезентација Благоја Милевски го објави списокот за натпреварите против Украина и Ерменија.
Меѓу повиканите е и Стефан Ашковски кој има нов клуб, станува збор за Раднички Ниш, како што стои на официјалниот сајт на ФФМ.
Овој клуб моментно настапува во најсилната фудбалска лига на Србија и моментно е на 13 позиција со седум бодови.
Последен клуб на Ашковски беше грчката Ламија во чиј дрес минатата сезона во тамошниот шампионат запиша 16 настапи.
Претходно на клупски план беше дел и од Сепси, Ботошани, Славија Софија, Фортуна Ситард, Горник, Кајсери Ерчијеспор, Нови Пазар, Шкендија, Стромсгодсет, Напредак, Доњи Срем, Партизан и Телеоптик.