Радев е пишман што „им дал шанса на такви луѓе“
Претседателот на Бугарија Румен Радев од Тирана, каде што учествува на средбата ЕУ – Западен Балкан, коментираше дека згрешил што дал шанса и дозволил „такви луѓе да им ги украдат надежите на Бугарите за промени”
Радев ова го изјави во коментар на зборовите на копретседателот на „Продолжуваме со промената” Асен Василев за Нова ТВ, според кого постои блиска интеракција меѓу ГЕРБ и официјалната влада на Бугарија и координација на нивните дејствија и од гледна точка на враќање на персоналот и злобните практики.
Василев и поранешниот премиер Кирил Петков беа вршители на должност министри за економија и финансии во првиот кабинет назначен од Радев во 2021 година, по што креираа сопствен проект, со кој победија на парламентарните избори на 14 ноември истата година, а на последното гласање на 2 октомври беа втора политичка сила по ГЕРБ.
Изјавата на Радев, кој е во посета на Албанија, дојде по барањето за коментар на зборовите на Асен Василев во неделата (4 декември) за Нова ТВ дека во последните месеци шефот на државата често се среќава со лидерот на ГЕРБ Бојко Борисов, а постои тесна интеракција меѓу официјалниот кабинет и партијата.