Путин: Русија ја одобри првата вакцина против коронавирусот во светот, една од моите ќерки ја прими
Претседателот на Русија Владимир Путин соопшти дека Министерството за здравство веќе ја одобрило првата вакцина против новиот коронавирус во светот, како и дека неговата ќерка веќе ја примила вакцината.
Притоа Путин соопшти дека се надева дека вакцината наскоро ќе биде пуштена во масовно производство.
„Една од моите ќерки ја прими вакцината. Во оваа смисла, таа учествуваше во експериментот. По првото вакцинирање, таа имаше температура од 38, следниот ден – 37 и тоа беше сè.“, вели Путин.
Рускиот претседател не прецизираше која од неговите ќерки, Марија или Катерина, ја примила вакцината.
Заменик-премиерката на Русија Татјана Голикова рече дека вакцината ќе им биде давана на здравствените работници од почетокот на септември. За пошироката јавност ќе биде достапна почнувајќи од јануари.
Вишиот министер Михаил Мурашко минатата недела објави дека се планира во октомври да почне национална програма за масовна вакцинација. Мурашко додаде дека сите трошоци ќе бидат покриени од владата.