Двајца загинаа, а тројца се ранети во пукотница на деловен состанок во трговски центар во Тексас, соопштија властите. Осомничениот за нападот беше уапсен во близина по кратка брканица, соопшти полицијата, објави Еј-би-си њуз.

Пукањето избувна во вторник наутро во корејски трговски центар во Каролтон, град кој се наоѓа на околу 30 километри северно од Далас. Двајца беа пронајдени мртви на местото на настанот, изјави началникот на полицијата во Каролтон, Роберто Аредондо, додавајќи дека тројцата ранети се во стабилна состојба.

Аредондо ја опиша сцената како „сложена“. Началникот на полицијата го идентификуваше осомничениот како Сеунг Хан Хо на возраст од 69 години.

„Во моментов нема непосредна закана за јавноста. Жртвите се среќавале со осомничениот за службена работа. Ова не е случаен чин на пукање“, истакна тој.

Масовно пукање во близина на средно училиште во САД, најмалку двајца мртви