АЗ Алкмар доживеа вистинска катастрофа на домашен терен, откако во дерби дуелот од холандската Ередивизија беше поразен од водечкиот ПСВ Ајндховен со убедливи 5:1.

Домаќините беа шокирани уште во 5. минута, кога Мауро Жуниор го најави распадот на тимот од Алкмар. Најдобар поединец на средбата беше Гус Тил, кој постигна хет-трик и целосно ја скрши одбраната на АЗ.

Во листата на стрелците се запиша и Верман, а единствениот гол за разочараните домаќини го даде Мијнанс.

Разочарувањето беше толку големо што навивачите на АЗ уште пред последниот судиски свиреж ги напуштија трибините.

ПСВ продолжува со незадржливата форма во домашното првенство, освојувајќи нови убедливи три бода.