Докторка, специјалист по психијатрија во болницата 8 Септември се тестирала на приватно за коронавирус и резултатот е позитивен по што ќе и биде земен уште еден брис на државно за да се потврди резултатот.

Оваа информација за Слободен печат ја потврди и директорот на болницата доктор Кристијан Костов. Тој рече дека вработената нема симптоми.

Од наши извори на клиниката, дознаваме дека епидемиолози веќе контактирале дел од вработените за да ги известат дека ќе им биде земен брис во домашни услови. Медицинскиот персонал во 8 Септември, кој е ковид центар, ротира на секои две недели.