Еден од најдобрите алтетичари во светот, Усеин Болт влегува во автомобилската индустрија.

Ателтичарот од Јамајка се одлучи да го следи трендот, така што велгува во бизнисот со електрични автомобили.

Најбрзиот човек на светот на 100 и 200 метри, не се одлучи за создавање на најбрзиот автомобил, но затоа овој модел може да се покаже како најпрактичен.

Бидејќи тој не е инженер, за автомобилот се погрижи неговата компанија „Bolt“.

Возилото е именувано како „Bolt Nano“. Истото беше претставено на саемот „Vivatech“ во Париз и следеше откако Болт ја претстави својата линија електрични скутери.

Автомобилот има место за возач и совозач, а благодарение на неговата компактност лесно се снаоѓа во урбани услови. На пример, на едно паркинг место може да сместите четири вакви автомобили.

Техничките детали засега се чуваат во тајност, но познато е дека ќе може лесно да се менува батеријата и дека почетната цена на „Bolt Nano“ ќе биде 9.999 долари.