За да направите оригинален сутлијаш, рецептот не е голем предизвик дури и за оние што не се најискусни во кујната. Многу вкусен десерт, кој лесно се подготвува, а го сакаат сите, особено децата. Сутлијашот е речиси комплетен оброк сам по себе, па може да се јаде и како појадок. Направете сутлијаш по стар рецепт, кој им успева на сите.

Состојки:

– 1 филџан ориз
– 1 литар млеко
– вода
– шеќер
– сол
– цимет
– малку ореви или суво грозје

Подготовка:

Оризот измијте го и ставете го во тенџере со вода да се вари. Кога ќе се свари оризот, додајте литар млеко, малку шеќер, малку сол и еден ванилин шеќер.

Во текот на готвењето, важно е да се меша оризот, за да не загори и да се залепи за тенџерето, што може да му го расипе вкусот.

За да не се залепи оризот, додадете прстофат сол. На крај, за да го постигнете специфичниот вкус како од кујната на баба, врз сутлијашот ставете цимет, суво грозје или малку рендани ореви.