Проширена истрагата против Ѓоковиќ: Му се заканува затворска казна до пет години?
Одлуката дали Новак Ѓоковиќ ќе биде депортиран од Австралија најверојатно ќе биде донесена во следните неколку дена, пренесуваат тамошните медиуми.
Српскиот тенисер излезе со официјално соопштение во кое се обиде да објасни што се случило во декември кога доби позитивен тест на коронавирус.
Австралиското Министерство за имиграциска политика сега ја испитува валидноста на документите и можната казна на Ѓоковиќ бидејќи, како што самиот кажа поради грешка на агентот кој ја пополнил пријавата, дал неточни податоци за патувањата.
Казната би можела да биде до пет години затвор, јавуваат австралиските медиуми. Исто така, се испитува и времето на објавување на резултатите од тестовите, кои беа доведени во прашање од некои медиуми.
Медиумите во Австралија воедно информираат дека правниот тим на најдобриот играч во светот поднел правни поднесоци кои се релевантни за евентуално одземање на визата.
По тој повод кратка изјава даде портпаролот на министерот за емиграција Алекс Хок.
If he plays and loses he will blame the Australian government. It will never be his fault. Just everybody else. I can see a compo claim here with salivating layers all over him
Djokovic news LIVE: Serb faces 5 years in prison as he blames agent for error https://t.co/lTseLBkibe
— Simon_Templar2021 PhD 💎 (@DrSpock_PhD) January 12, 2022
– Секако, тоа ќе влијае на временската рамка за конечната одлука – велат од министерството.
Ѓоковиќ претходно денеска одработи уште еден тренинг во Род Лејвер Арената пред евентуалниот настап на „Австралија опен“.
Премиерот на Викторија не го признава поразот: Никој не е поголем од Австралија Опен
ВИДЕО: Фановите на Ѓоковиќ со музика и песна славеа на улиците во Мелбурн