Инвеститорот од Обединетите Арапски Емирати, Саиф Алкетби, стана сопственик на 43,4 отсто од акциите во хрватската групација Фортенова, кои претходно ги држеше Сбербанк, соопшти Н1 Загреб. Како дел од Групацијата Фортенова, Меркатор С работи и во Србија, со малопродажните синџири Идеа, Рода и Меркатор.

Хрватските медиуми објавија дека 43,4 отсто од сопственоста во поранешен Агрокор – сегашната групација Фортен, биле продадени на инвеститор од Обединетите Арапски Емирати, Саиф Алкетби. Информацијата ја објави Сбербанк, која исто така го продаде својот удел.

Н1 Загреб се повикува на хрватски медиуми кои наведуваат дека инвеститорот од Обединетите Арапски Емирати Саиф Бин Мархан Алкетби треба да се сретне со премиерот Андреј Пленковиќ.

Владата на Хрватска нема никакви информации. На официјалната веб-страница на групацијата Фортенова е наведено дека Меркатор С, со мрежа која покрива 80 градови и други локации во Србија, поседува 300 продавници ИДЕА, четири продавници ИДЕА Онлајн, 33 супермаркети Рода, два Меркатор центри и хипермаркети, четири Велпро центри и ХОРЕКА CА центар за гостопримство.

„Вкупниот приход го рангира Меркатор-С меѓу првите десет компании во Србија, со близу 8.300 вработени кои опслужуваат повеќе од 300.000 клиенти секој ден“, известува Н1.