Аријан Адеми, повторно би можел поради повреда да не биде во составот на селекторот Благоја Милевски за настапите во квалификациите за Светското првенство 2022.

Играчот на Динамо Загреб ги пропушти претходните три натпревари на А селекцијата овој месец кога ремизиравме со Ерменија, Исланд и Романија.

Следните два важни меча во борбата за второто место се закажани за 8 октомври кога гостуваме кај аутсајдерот Лихтенштајн, а три дена подоцна во Скопје доаѓаат Германците.

Вчера во Купот на Хрватска Динамо во 1/16 финалето како гостин го елиминираше Оријент со 1:4. Адеми беше стартер на овој меч и настапи до 58 минута.

Тренерот на „модрите“, Дамир Крзнар вели дека овие денови ќе се следи сoстојбата со нашиот репрезенативец.

– Проблем е со капитенот Аријан Адеми, почувствува болка, ќе видиме каква е состојбата. Се надеваме дека не е ништо посериозно, но да почекаме – вели Крзнар за клупскиот сајт.