Проблеми за Египет, Ливерпул не го пушта Салах да игра во квалификациите за СП 2022
Англискиот премиерлигаш Ливерпул одби да го пушти својот играч Мохамед Салах да патува во Египет каде репрезентацијата ќе ги игра натпреварите од квалификациите за пласман на СП 2022 година, објави фудбалската федерација на Египет.
Ливерпул не дозволува Салах да патува во Египет бидејќи оваа африканска држава се наоѓа на црвената листа на британската влада во поглед на ограничувањата поради коронавирусот и поради тоа напаѓачот би морал да помине две недели во карантин по враќањето во Англија.
Поради ваквата одлука на клубот, Салах ќе ги пропушти натпреварите на егупетската репрезентација против Ангола и Габон.
Во ноември минатата година, Ливерпул му дозволи на Салах да замине во Египет на венчавката на својот број, но по враќањето во Англија беше позитивен на коронавирус.