Изминатата ноќ по полноќ, полициски службеници од ОВР Кавадарци го привеле И.А.(35) од Росоман, кој на улица „Пролетерска“ во видно алкохолизирана состојба го нарушил јавниот ред и мир со, како што велат од МВР, со дрско и непристојно однесување и не постапувал по наредбите на полициските службеници при вршење службени дејствија.

Дополнително, било пријавено дека во угостителски објект во Росоман физички нападнал осумнаесетгодишно момче од село Паликура, при што употребил стаклен предмет. По извршените проверки било утврдено дека И.А. бил под дејство на алкохол, односно му биле измерени 1,03 промили алкохол во крвта.

Возачот кој му препречи пат на момчето на „Пластичарска“ бил дрогиран, тврди ОЈО и бара притвор

Претходниот ден, со И.А. бил извршен службен разговор по пријава дека во периодот од април 2026 година до денот на пријавувањето, преку социјална мрежа објавувал содржини насочени кон градоначалникот на Општина Росоман, со што кај пријавителот предизвикал чувство на страв и загрозеност.

За двата настана бил известен јавен обвинител, по целосно документирање против И.А. ќе бидат поднесени соодветни пријави.