Кога Сонцето ќе влезе во Риби на 18.2.2026. и таму ќе остане до 20.3.2026, акцентот се префрла од контрола, стратегија и планови кон чувство, интуиција и доверба во животот. Тоа е период во кој настаните често не се „туркаат“, туку се отвораат сами од себе – преку случајни средби, неочекувани можности и тивки внатрешни поместувања, пишува „Атма“.

Оваа година владеењето на Рибите се одвива на многу силна астролошка позадина. Јупитер, планетата на експанзијата и среќата, се наоѓа во егзалтација во Рак сè до крајот на јуни 2026 година, а токму за време на владеењето на Рибите сè уште е во ретроградна фаза до 11.3., по што тргнува директно. Сатурн и Нептун се среќаваат на почетниот степен на Овен, отворајќи нов триесетгодишен циклус што го менува начинот на кој поставуваме граници, цели и соништа.

Во таква поставеност, не добиваат сите подеднакво. Најголема доза поддршка, олеснување и конкретна среќа во периодот на владеење на Рибите во 2026 година имаат три хороскопски знаци. Причината е многу конкретна мрежа на водени тригони и поддржувачки аспекти во кои учествуваат Сонцето, Меркур, Венера, Марс и Јупитер.

Рак

За Раковите ова е еден од поповолните периоди во последните неколку години. Јупитер во вашиот знак уште од јуни 2025 година ги гради темелите за проширување, а за време на владеењето на Рибите во 2026 година Сонцето, Меркур, Венера и подоцна Марс од Риби влегуваат во хармоничен тригон со Јупитер.

Првиот дел од владеењето на Рибите сè уште е под влијание на ретроградниот Јупитер, што носи чувство на застој во плановите, но всушност работи во ваша корист. Тоа е време кога се враќаат теми покренати уште од летото 2025 година: прашања за преселба, уредување на домот, проширување на семејството, вложување во недвижности или промени на работа поврзани со поголема сигурност.

Од 11 март, кога Јупитер тргнува директно, многу од тие одлуки добиваат зелено светло. На полето на работа и пари, тригоните од Риби кон Јупитер во Рак носат понуди што ја потврдуваат вашата вредност. Тоа може да биде конкретен пораст на приходите, поголем проект, премин во постабилна средина или работа со помалку стрес, но со поголема одговорност.

Водолија, во која Марс се задржува до почетокот на март, внесува нешто понапнати моменти околу заедничките финансии и кредити, но со влегувањето на Марс во Риби тензијата попушта и полесно наоѓате решенија преку договор, поддршка и доверба.

Во љубовта, владеењето на Рибите отвора простор за подлабоки и понежни односи. Ако сте во врска, полесно разговарате за планови за заеднички дом, деца или промени што порано ви изгледале преголеми. Венера во Риби до почетокот на март ја омекнува атмосферата, носи повеќе романтика и чувство дека партнерот повторно „посебно се труди“. Кај слободните Ракови се зголемува можноста за познанства на пат, преку семинари, едукации или контакти со странство.

На личен план, Сатурн и Нептун во Овен отвораат важни прашања за кариерата и јавниот имиџ. За многу Ракови ова е почеток на повеќегодишен процес на редефинирање на она што го нарекуваат „успех“. Владеењето на Рибите помага тие цели да се усогласат со вашите внатрешни вредности, а не само со очекувањата на околината.

Скорпија

На Шкорпиите владеењето на Рибите традиционално им носи олеснување, бидејќи Сонцето се наоѓа во знак што со вашиот создава хармоничен тригон. Оваа година тој ефект дополнително се засилува затоа што во Риби се наоѓаат и Меркур, Венера, а подоцна и Марс, додека Јупитер од Рак го поддржува сето тоа од уште еден воден знак, создавајќи многу силен воден триаголник.

На полето на работа и пари ова може да биде период во кој конечно се гледа плодот од долготрајниот труд. Јупитер во Рак кај Скорпиите ги нагласува темите на проширување на хоризонтите, образование, патувања и правни прашања.

Многу припадници на знакот може да добијат можност за работа во странство, соработка со луѓе од други култури или да започнат дополнително школување што подоцна им отвора нови врати. Во комбинација со планетите во Риби, тоа често доаѓа преку препораки, „случајни“ средби или проекти што вклучуваат креативност, советување, исцелување или работа со деца и млади.

Во љубовниот живот, владеењето на Рибите го отвора срцето, но и очите. Венера во Риби до почетокот на март носи повеќе нежност, топлина и подготвеност за отворен разговор за чувствата. За Скорпиите кои подолго време се во врска, ова е период во кој може да се врати блискоста нарушена од стрес, замор или практични проблеми. Кај слободните постои поголема веројатност да се појави личност со која делите слични интереси, духовен поглед на животот или креативни проекти.

Ретроградниот Меркур во Риби од 26.2. ве повикува да се вратите на стари таленти, хобија и желби што некогаш сте ги започнале, а потоа сте ги оставиле на страна. Тоа може да биде пишување, музика, уметност, работа со вода или теми од психологија и исцелување. Токму во тој повраток кон „заборавениот дел од себе“ се крие голема можност – и за лично задоволство и за конкретна работа или приход.

Сатурн и Нептун во Овен ставаат акцент на секојдневието, здравјето и работните навики. За Шкорпиите тоа значи дека среќата во овој период не е само во големите настани, туку и во новите структури што постепено ги воведуваат: поинаква организација на времето, работа што повеќе одговара на нивниот ритам, грижа за телото и психата. Владеењето на Рибите помага сето тоа да не биде обична дисциплина, туку промена што носи повеќе мир и смисла.

Риби

За Рибите ова, секако, е клучниот период од годината. Сонцето минува низ вашиот знак од 18.2. до 20.3.2026 година, носејќи чувство на „нов круг“,  ова е вашиот личен почеток на годината. Покрај Сонцето, во Риби уште од 6.2. се наоѓа и Меркур, а од 10.2. и Венера. На почетокот на март им се придружува и Марс. Тоа значи дека во еден период речиси сите побрзи планети се собираат во вашиот знак.

Таквата концентрација на енергија носи видливост, засилена харизма и чувство дека животот реагира на вашите одлуки многу побрзо од вообичаено. Меркур во вашиот знак ја засилува интуицијата и размислувањето „надвор од рамките“, а од 26.2., кога станува ретрограден, ве враќа на стари идеи, планови и договори што сега можете да ги обликувате на позрел начин.

Венера во Риби носи топлина, привлечност и понежен тон во односите, а Марс во Риби во март ве поттикнува да престанете да одложувате, она што долго го чувствувате конечно да го претворите во конкретен чекор.

Јупитер од Рак испраќа силен тригон кон Рибите. Тоа е поддршка во областа на љубовта, креативноста, децата, самодовербата и радоста на животот. Многу Риби во овој период може да почувствуваат дека им се враќа инспирацијата која некое време била пригушена од грижи, замор или неизвесност. Ова е добро време за започнување сопствени проекти, одлука за родителство, вложување во талент или хоби што може да се претвори во работа или едноставно за враќање кон активности што ја полнат душата.

На деловен план, Сатурн и Нептун во Овен го активираат вашето поле на пари и лични вредности. Тоа значи дека владеењето на Рибите се одвива во момент кога долгорочно го преиспитувате односот кон заработката, работата и границите. Сега гледате каде сте се потценувале, каде сте работеле премногу за премалку и каде е време јасно да ги поставите условите. Со оглед на тоа што Сонцето, Меркур, Венера и Марс се во вашиот знак, имате и храброст и поддршка да го направите тоа.

Во љубовта, Венера во Риби ја нагласува потребата за односи во кои се чувствувате видени, а не само потребни. Ова е период во кој многу Риби одлучуваат да се повлечат од врски што не нудат емоционална сигурност, но и да влезат во односи во кои постои подлабока сродност.