За многумина, празничната сезона е синоним за богати гозби и обилни оброци, по што луѓето често посегнуваат по „дигестивен пијалак“.

Вообичаено е верувањето дека ракијата или билниот ликер ќе го ублажат чувството на тежина во стомакот, но дали овој популарен народен „лек“ навистина е ефикасен?

Иако чувството на тежина во стомакот субјективно се намалува по консумирање жестоки пијалаци, новите сознанија на експертите покажуваат дека ракијата всушност е повеќе мит отколку лек. Алкохолот ги опушта мускулите на желудникот, што создава привидно чувство на олеснување.

Сепак, вистинскиот ефект е сосема спротивен.

„Жестоките пијалаци всушност го забавуваат празнењето на желудникот и го инхибираат варењето, бидејќи телото првенствено е зафатено со разградување на алкохолот“, објаснил примариус Бернхард Мајр од клиниката Залцкамергут Гмунден.

Додека телото е зафатено со разградување на алкохолот, варењето на храната се става во втор план.

Што навистина помага по обилен оброк?

Лекарот предупредил дека долготрајната и редовна консумација на алкохол може дури да поттикне нарушувања во варењето и да го оптовари вашето здравје.

Затоа, ако навистина сакате да направите нешто добро за вашата дигестија по обилен празничен оброк, постојат многу подобри алтернативи.

Наместо да посегнете по чашка ракија, најдобар избор е лесна прошетка која ги стимулира цревата.

Исто така, шолја чај или обична вода многу поефикасно ќе го поддржат процесот на варење отколку кој било алкохолен пијалак.

„Ракијата може да се смета за уживање, но никако за лек“, заклучил експертот