Иако актуелниот претседател Емануел Макрон беше јасен фаворит на претседателските избори во Франција до неодамна, последните анкети направени деновиве покажуваат дека разликата во поддршката меѓу сегашниот претседател на државата и лидерот на крајната десница, Марин Ле Пен се намалува, пред утрешниот прв круг од претседателските избори во државата.

Европските медиуми анализираат дека денсичарската популистка Марин Ле Пен сега опасно му се приближиува на Макрон а трката кој ќе биде новиот шеф во Елисејската палата допрва станува неизвесна.

Доколку се исполнат предвидувањата, новиот претседател на Франција ќе биде познат по вториот круг на изборите, закажан за 24-ти Април.

Она што ќе го одреди победникот е излезноста, а сите анализи навестуваат дека овие избори може да бидат со досега највисок процент на апстиненција на гласачите.

Истовремено, кон неизвесноста придонесува и фактот дека тројца од десет избирачи се уште не одлучиле за кој кандидат ќе го дадат својот глас.