Претседателот на Фудбалската федерација на Бугарија, Борислав Михајлов денеска поднел оставка од функцијата поради големиот притисок од јавноста.

Навивачите пред последниот квалификациски натпревар во Софија организираа протести против Михајлов, а протестите прераснаа во големи немири во кои беа запалени и неколку возила, имаше и повредени.

Набрзо по немирите Михајлов излезе со изјава дека нема намера да се повлече, но очигледно во изминатите денови го сменил ставот, па си заминвуа од функцијата.

„Поднесов оставка. Од првиот момент кога дојдов на чело на БФФ бевме изложени на многу притисоци, критики, лаги, агресија…И во таква ситуација успеавме да оствариме голем број од плановите. Репрезентацијата не се претстави во најдобро свело, но кога е спортот во прашање, никогаш не можете да имате гаранција за успех. Тоа што можев јас да го направам, го направив“, изјави Михајлов.

Новиот прв човек на бугарскиот фудбал ќе биде избран најверојатно на 15. март 2024 година.

ФОТО+ВИДЕО: Протестот на бугарските навивачи прерасна во големи нереди во Софија