Пресврт во АБА: МЗТ Скопје ќе остане со празни раце, Приморска најде спонзор
Словенечкиот тим Приморска сепак планира да игра во АБА лигата, пренесува кошаркарскиот интернет сајт Спортандо.
Како што пишува првиот човек на овој сајт, Емилијано Каркија, челниците на Приморска во последен момент успеале да најдат спонзор и планираат да играат во регионалното кошаркарско натпреварување.
A few days after telling players that they were free to leave, Koper Primorska found a new sponsor and they are expected to play in ABA Liga this season, I am told https://t.co/hwJXCkuNd5
— Emiliano Carchia (@Carchia) September 14, 2020
Ова значи дека екипата на МЗТ Скопје најверојатно ќе остане со празни раце бидејќи „металците“ беа прва резерва во случај некоја екипа да го откаже учеството во АБА лигата наредната сезона.
МЗТ Скопје денеска дури и упати писмо до бордот на АБА лигата во кое побара да биде свикано Собранието на лигата и да македонскиот тим да биде примен во елитата, но се чини дека „металците“ ќе извисат во последен момент.
Словенечкиот тим минатата недела им соопшти на своите кошаркари дека се слободни да бараат нов ангажман бидејќи клубот нема пари да ги исплати, но преговорите со засега неименуваниот спонзор завршиле успешно и Приморска најверојатно ќе остане во АБА лигата.
