Бојана Скендеровски ја објави најемотивната приказна за својот сопруг Васко, со кого е во љубов повеќе од 12 години.

Веднаш по концертот што го одржа на 21 март во Штип, пејачката замина на семејно патување во Виена, со сопругот, ќерката Искра и синот Ѓорѓи.

Сликата што ја објави Бојана е носталгично сеќавање на нивното патување пред 12 години во истиот град, а Бојана ја опиша на интересен начин.

„Пред 12 години и денес, на истото место – палатата Шенбрун. Во меѓувреме, две ангелчиња, заедничка продукција, многу проекти, спомени, препреки до искачувањето до победите, мали разочарувања и многу љубов, тоа сме ние. П.С. Не ни е годишнина“, сподели пејачката.

Во едно интервју за „Слободен печат“, пејачката откри што таа и сопругот научиле еден од друг по десет години брак и што си замеруваат еден на друг.

„Порано имавме повеќе време за замерка, сега сме преокупирани со други нешта. Немаме сериозни проблеми (му благодарам на Бога), а иако сме различни личности, сме се адаптирале еден на друг. Љубовта е клучна, без неа ништо не би функционирало. Воодушевувачка е неговата трпеливост, упорност и интелигенција. А ме нервира тоа што е бавен, бидејќи јас сум пребрза“, сподели Бојана Скендеровски за сопругот.

ВИДЕО | Бојана Скендеровски го прослави 42-иот роденден: „Ти благодарам Господе за силата и среќата да ги остварувам соништата“