Македонската пејачка Бојана Скендеровски со емотивна порака го одбележа својот 42. роденден, споделувајќи фотографии на социјалните мрежи на која во елегантен црвен фустан држи роденденска торта со бројот 42. Покрај фотографиите таа сподели и видео со нејзиниот сопруг Васко и синот Ѓорѓи со кои заедно ја испеаа познатата роденденска песна „Среќен роденден“ (Happy birthady).

Во описот на објавата таа напиша: „Ти благодарам Господе што ми даваш простор, сила и среќа да ги остварувам нештата кои ги сакам…“, испраќајќи порака исполнета со благодарност, љубов и позитивна енергија. Следбениците веднаш ја преплавија со честитки и убави желби.

Наместо само бројка, 42 за неа изгледа како симбол на зрелост, мир и нова креативна енергија. Со насмевка и благодарност, пејачката уште еднаш потсети дека вистинската убавина не е во годините, туку во храброста да продолжиш да сонуваш – гласно, искрено и без задршка.