„Слободен печат“ минатата недела спроведе анкета меѓу своите читатели на прашање „дали Владата треба да го објави договорот за изградба на Коридорите 8 и 10д со компанијата „Бехтел и Енка“?

Според резултатите, 78.07 % од гласачите се изјаснија со „Да“, а Не 21.93 % гласаа „Не“.

Власта и опозицијата со недели продолжуваат со препукувањата и обвинувањата за договорот со изведувачот на патиштата од коридорите 8 и 10д, „Бехтел и Енка“ – пратеници од опозицијата инсистираат власта да го објави документот и изнесуваат детаљи, а СДСМ обвинува дека тие шират лажни вести.

Премиерот Димитар Ковачевски минатата недела изјави дека 51 отсто од работите, според договорот со „Бехтел и Енка“ треба да се изведат од страна на македонски изведувачи. Тој додаде и дека се надева дека ќе имаме толку работници, механизација и материјали кои ќе можат да бидат имплементирани во проектот.

Ново прашање на неделата на „Слободен печат“ секој понеделник.