Познато името кое ќе го замени Ѓоковиќ на „Австралија опен“
Најдобриот тенисер на светот, Новак Ѓоковиќ нема да ја брани титулата на „Австралија опен“ после одлуката на судиите за итна депортација на српскиот ас од земјата.
Во ноќта меѓу недела и понеделник стартува првиот Грен слем сезонава, веќе одреди кој ќе го замени деветкратниот шампион во Мелбурн.
Местото на Ѓоковиќ на ждрепката ќе го заземе „среќниот губитник“ (лакилузер), Италијанецот Салваторе Карузо, 150. тенисер во светот.
Противник на Карузо во првото коло ќе биде српскиот натпреварувач Миомир Кецмановиќ.
Per ATP, the first lucky loser into the #AusOpen draw, set to replace #1 Novak Djokovic in the draw, is 150th-ranked Salvatore Caruso.
— Ben Rothenberg (@BenRothenberg) January 16, 2022
Оваа информација ја објави еден од најголемите критичари на Ѓоковиќ, Бен Ротенберг на својот Твитер профил, а на официјалниот сајт на „Австралија опен“ и натаму стои двојката Ѓоковиќ – Кецмановиќ, иако се очекува наскоро и таму да се направи ажурирање.