Градоначалникот на Кан, Давид Лиснар, објави дека ќе ѝ оддаде почит на француската филмска икона Брижит Бардо, по која отсега ќе се именува плажата Масе во тој град, пишува „Фигаро“.

Плажата до Кроазета во Кан отсега ќе биде „Плажа Брижит Бардо“, објави градоначалникот на денот кога актерката беше погребана на гробиштата покрај морето во Сен Тропе.

„Големата јавна плажа во Кан ќе го носи нејзиното име“, рекол тој.

Плажата Масе е исто така место за проекции за време на Канскиот филмски фестивал.

Оддавајќи почит на Бардо, која почина на 28 декември, Лиснар додал: „Таа беше олицетворение на слободата. Не беше провокативна, туку природна, убава и ослободувачка“.

ВИДЕО | Збогување со Брижит Бардо: Илјадници фанови ѝ оддаваат почит во Сен Тропе