Пожар избувнал вчера во зградата на Јавното обвинителство во Скопје, по што морале да интервенираат осуммина пожарникари со два камиони, објави „Скопје1“, а информацијата ја потврдуваат и од Противпожарната бригада на Град Скопје.

Ова се случило во работно време, нешто пред 14 часот, а според командирот на пожарникарите Звонко Томовски, горела тоалетна хартија во корпа за отпадоци во женски тоалет во зградата.

„Стануваше збор за опожарени хартии во женски тоалет. Од наша страна извршена е проверка и вентилирање на просториите“, вели Томовски за „Скопје1“.

Обвинителството не одговорило на прашањата од порталот во врска со пожарот, кој денеска не беше наведен во дневниот билтен на МВР, каде обично полицијата ги бележи ваквите инциденти.

Ортаци во фирма од Скопје затаиле 120.000 евра од државата, тврди Финансиската полиција