Финансиската полиција соопшти дека ќе гони двајца управители на фирма од Скопје, како и фирмата, поради тоа што наводно затаиле данок во износ од околу 120.000 евра во текот на неколку години.
Пријавата е поднесена против управителите М.Ш. и Ж.Р, а се работи за затајување во износ од 7.426.323 денари. Воедно, за да ги прикријат активностите, тие не поднеле завршни сметки за 2022, 2023 и 2024 година до Централниот регистар, велат од Финансиската полиција.

„Пријавените М. Ш. и Ж. Р., како управители на правното лице, се сомничат дека во повеќе наврати, свесно и со намера да стекнат противправна имотна корист, не пресметале, не пријавиле и не платиле данок на добивка во износ од 7.200.200 денари и данок на личен доход од 226.123 денари. Според наводите, за 2020 година поднеле даночен биланс за утврдување на данокот на добивка во кој искажале лажни податоци, а за 2021 и 2022 воопшто не поднеле даночни биланси за утврдување на данокот на добивка спротивно на сметководствената евиденција и искажаниот финансиски резултат во бруто-билансите на друштвото, од банкарските сметки на правното лице подигнале парични средства по разни основи и извршиле плаќања што не се поврзани со дејноста на правното лице, без да постои доказ во сметководствената евиденција за нивната економска оправданост, а со намера да ги прикријат инкриминираните активности не поднеле завршни сметки за 2022, 2023 и 2024 година до Централниот регистар на РСМ“, соопшти Финансиската полиција.

Скопјанка дала 2.500 евра за државна работа и ја измамиле, па пријавила во полиција