Повеќе од 250.000 потписи за укинување на титулата на Тони Блер

Фото: Твитер

Повеќе од 250.000 луѓе потпишаа петиција за отповикување на поранешниот британски премиер Тони Блер.

Поранешниот лидер на Лабуристичката партија беше прогласен за витез на новогодишната почесна листа и се здоби со титулата „сер“

Оваа одлука предизвика критики во британската јавност бидејќи голем број луѓе сметаат дека Блер не ја заслужува оваа чест, а некои го нарекуваат и воен злосторник поради одлуката Британија да се внесе во војната во Ирак.

„Тони Блер предизвика непоправлива штета на Уставот и општеството на Велика Британија. Тој е лично одговорен за безброј цивилни и воени жртви во неколку конфликти. Тоа е единствената причина поради која тој треба да одговара за воени злосторства. Тој е последниот што ја заслужил оваа чест од нејзиното височество кралицата Елизабета Втора“, се вели во петицијата.

Видео на денот