Просечната цена на продадени нови станови по квадратен метар во Босна и Херцеговина во вториот квартал од 2025 година изнесувала 1.609 евра.

Вкупно, за три месеци – од април до јуни – се продадени 864 нови станови со вкупна корисна површина од 45.414 квадратни метри.

Според податоците од Агенцијата за статистика на Босна и Херцеговина, оваа цена е за 7,3 проценти повисока отколку во вториот квартал од минатата година.

Интересни податоци покажува продажбата на станови по субјекти, кои не се наведени во соопштението на Агенцијата, пишува Независне новине.

А тоа е дека во Република Српска во вториот квартал од оваа година се продадени 640 нови станови, а во Федерацијата БиХ само 222.

Интересно е што само во Бања Лука се продадени 277 нови станови за три месеци, повеќе отколку на ниво на целата Федерација.

Просечната цена на новите станови во Република Српска е 1.619 евра по квадратен метар, а ако се погледне само Бања Лука, таа е 1865 евра.

Од друга страна, просечната цена по квадратен метар на нов стан во ФБиХ е 1587 евра.

Во Сараево, во исто време беа продадени 68 нови станови, а просечната цена по квадратен метар во градот беше околу 1.814 евра.