Повеќе од 100.000 млади ниту работат, ниту учат

Според податоците на Агенцијата за вработување, во Македонија има околу 180.00 невработени, ама само 100.000 се активни баратели на работа.

Според Анкетата на работна сила пак, многу повеќе невработени бараат работа, односно дури 160.000 граѓани, и тие во истиов момент, ако им биде понудена работа, ќе ја прифатат. Но, истовремено, во Македонија има околу 500.000 граѓани кои се работоспособни, но неактивни.

Најзагрижувачки податок е што меѓу нив се повеќе од 100.000 млади на возраст од 15 до 29 години кои се „невидливи“, односно ниту работат, ниту бараат работа, а дел од нив веројатно е иселен.

Сепак, и покрај овие податоци, работодавачите велат дека на пазарот на труд не може да најдат работници, а дека тие што им работат, не го праваат добро, па на скала од 1 до 10 ги оцениле со 6-ка.

Прочитајте и...  Силјановска- Давкова: Државата ја направија руина, а држава без стабилни институции не е држава

Ова беа заклучоците од панел дискусијата „Стручен кадар по мерка на бизнисот“ на која учествуваа претставници од компаниите и универзитетски професори кои се занимаваат со оваа проблематика.

Имаме работна сила ама колку е употреблива

Професорката Никица Мојсоска Блажески која е и извршен директор на невладината организација „Македонија 2025“ го презнтираше податокот дека 35 отсто од работодавачите сметат дека работниците со високо образование немаат никаква додаден вредност во однос на оние со средно, како и дека на 100 вработени со високо образование, само 12 работат за тоа што учеле.

– Шансите на младите со високо образование на пазарот на труд,  се исти како на оние со средно образование – нагласи Мојсоска Блажески.

Прочитајте и...  Бројот на новозаразени и натаму висок, Филипче информира дека секаде каде се попуштаат мерките пандемијата не спласнува

Таа препорача повеќе да се слуша гласот на работодавачите, но и работодавачите поактивно да се вклучат во образовните политики.

– Веројатно ќе дојдеме во фаза, и покрај големата невработеност, да увезуваме работници какви што требаат на пазарот на труд – вели  Мојсоска Блажески.

Погрешна уписна политика

Наташа Јаневска, државен советник во Министерството за образование потсети на една стар изрека дека „една држава ќе биде толку богата, колку што вложува во своето образование“.

– Податокот дека 80 отсто од невработените се долгорочно невработени јасно укажува на тоа дека постои несоодветност меѓу образованието и пазарот на трудот – рече Јаневска.

Според Јаневска, во Македонија има и неправилна уписна политика, а тоа го поткрепи и со бројките, односно најмногу млади учат за економисти или задравствени работници, додека за земјоделската струка се обучуваат само 4 отсто од младите, за угостителство – 4,5 отсто, а за хемиската индустрија – 0,1 отсто.

Прочитајте и...  Mедицинско лице од Хонг Конг - прв обвинет со новиот закон за национална безбедност

Претседателот на Стопанската комора на Македонија Бранко Азески ги повика работодавачите сами да вложуваат во кадар каков што им треба и упати критики на фактот дека во државава има 195 факултети, а 135 средни училишта.

Прочитај повеќе

Гласен Текстилец: Конфекција во Пробиштип затворена поради нови случаи на Ковид-19

Слободен печат

Мажите во Албанија живеат пократко и емигрираат повеќе во однос на жените

Слободен печат

ГОБ „8 Септември“ демантира дека постои листа на чекање за итни хирушки интервенции

Слободен печат

Заев ја обвини опозицијата за лаги и негативна кампања: ВМРО-ДПМНЕ ќе остане во опозиција за да си ја обнови партијата

Слободен печат

Над 22.000 новозаразени од Ковид-19 во Индија

Слободен печат

Чулев: Полицијата е подготвена за спроведување мирни, фер, демократски избори

Слободен печат

Остави Коментар

Прочитај повеќе

Њујорк пост: Еден од десет пациенти никогаш нема да го вратат чувството за мирис и вкус

Слободен печат

Шахпаска: Преку инвестиции во инфраструктурата, инвестираме во економијата и во иднината

Слободен печат

Лукаревска: СДСМ не копа ровови, туку гради мостови, патишта и врски меѓу луѓето

Слободен печат

Реџепи: ВМРО-ДУИ може да формираат коалиција, но во опозиција

Слободен печат

Интегра во Куманово: Кокино ќе биде туристичка атракција, ќе се развива бањскиот, здравствениот туризам, брзи возови, преку транспортна стратегија

Слободен печат

Спасовски: Ја чистиме калта од режимот кој за себе поставуваше мермер, а за граѓаните стиропор

Слободен печат