Поставен резервоар од 280 тони за собирање гас во Црното Море

Гасна платформа Црно море EPA-EFE/ERDEM SAHIN

Турција постави резервоар тежок 280 тони на длабочина од 2.200 метри во морето, кој ќе го собира црноморскиот гас што доаѓа од бунарите, операција која траеше 20 часа, пишува весникот „Јени Шафак”.

Претходно весникот „Сабах” информира дека Турција ќе инвестира речиси 10 милијарди долари во проект за извлекување и пренос на 540 милијарди кубни метри гас од наоѓалиштето Сакарија во Црното Море. Првиот гас од наоѓалиштето се планира да влезе во Турција во 2023 година. Проценетата вредност на гасот откриен во Црното Море е 400 милијарди долари.

– Гасот од Црното Море се приближи до копното. На длабочина од 2.200 метри во морето, во системот е инсталиран џиновски дистрибутивен резервоар од 280 тони кој ќе го собира гасот од бунарите и ќе го поврзе со главниот гасовод. 20-часовната операција беше спроведена со хируршка прецизност, за да се осигура дека резервоарот нема да се помести ниту сантиметар, пишува весникот.

Екипите на Турската нафтена корпорација (ТПАО) деноноќно работат на гасното поле Сакарија, за кое се верува дека е најголемото откритие на природен гас во историјата на Турција.

– Овој џиновски дистрибутивен резервоар „Печенек”, кој ќе собира гас од бунарите и ќе го поврзува со главниот гасовод, со брод е транспортиран од пристаништето до гасното поле Сакарија, каде што ќе биде пуштен во употреба. Тука џиновската опрема спуштена на морското дно со помош на специјални кранови и подводни роботи, беше поставена на местото со операција извршена со хируршка прецизност. Операцијата траеше околу 20 часа, прецизира весникот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот