После Бартомеу, Барселона доби привремен претседател
После заминувањето на Хосеп Марија Бартомеу од функцијата претседател на клубот, денеска нови промени се случуваат во Барселона.
Поради оставката на Управниот одбор, која беше официјализирана во вторникот вечерта, претседателот на економската стратегија Карлес Тускетс ја презеде улогата претседател на Управниот одбор во клубот.
Тускетс е инаку основач на банката „ФИБАНК“, која сега го носи името „Банко Медионалум“, а покрај таа во свое сопствеништво има уште 56 компании.
Воедно е познат и по тоа што често беше против потезите на управата на Бартомеу поради (пре)високите договори на играчите во однос на буџетот.
Како што е утврдено во статутот на клубот, Управниот одбор ќе ги преземе функциите на водење, администрација и застапување на клубот.
Нивната вклученост ќе биде ограничена во активностите, а задачата ќе им биде да повикаат на избори за конституирање на нов Управен одбор, а тоа да се направи во рок од три месеци од преземањето на нивните улоги од членовите.
Пике: Лео, издржи уште една година, ќе дојдат нови луѓе во Барса!