Со нејзиното консумирање ја зголемувате виталноста на бубрезите, работата на срцето и циркулацијата, а освен што содржи многу протеини, црвената леќа содржи и диетални влакна, витамин Б1, фолна киселина и минерали.

Исто така, оваа намирница е многу богата со железо, па затоа се препорачува во исхраната на сите луѓе, особено на вегетаријанците.

Затоа денес ви претставуваме рецепт за вкусен кремаст намаз од црвена леќа, кој е богат со протеини, нискокалоричен и е фантастичен избор за секој што сака да се грижи за исхраната или за оние кои постат.

Се подготвува за 5 минути, а се готви за 15, што значи дека за 20 минути пред себе имате совршена паштета од црвена леќа.

Состојки:

– 300 грама (1 ½ шолја) црвена леќа
– 1 среден кромид
– 1 морков
– 3-4 чешниња лук
– 1 лажица масло или 1 лажичка путер
– морска сол, по вкус
– магдонос за украсување
– 1-2 прстофат куркума

Подготовка:

Во средно тенџере сипете вода, а кога ќе зоврие додајте ја леќата, сечканиот морков, 2/3 од сечканиот кромид и морската сол.

Варете околу 10 минути, па тргнете го од оган.

Додајте го пасираниот лук и оставете да се излади 10 минути.

Отстранете го вишокот вода со помош на цедалка, а потоа сипете ја содржината во сад.

Во блендер изблендирајте ја леќата и другите состојки.

Кога ќе стане кремасто, додајте ја куркумата, путерот или маслото и преостанатата третина од сечканиот кромид.

Добро измешајте со лажица. Украсете со сечкан магдонос и послужете!