Ракометната репрезентација на Македонија денеска загуби и на вториот пријателски натпревар од Египет кој се играше во Каиро. Овој пат избраниците на селекторот Кирил Лазаров загубија со 31:26.

Ракометарите одиграа добро прво полувреме, негативата од 2:0 на стартот веднаш беше анулирана и во 16 минута избраниците на Лазаров имаа водство од 7:9, а подоцна и 11:13, но во финишот Египет со серија од 5:0 ја одмор замина со 16:13.

Вториот дел започна со два гола на Македонија за минимална негатива од 16:15, но ракомарите на Египет направија серија од 3:0 и поведоа со 19:15 по што ја презедоа контролата и до крајот не ја испуштија предноста за конечен триумф од 31:26.
Филип Талески со девет постигнати голови беше прв стрелец кај Македонија, Кузмановски даде седум, а Велковски пет гола.